八卦嘢 (八卦野) [八卦o野]: 2012-01-15

繼無綫「寶貝仔」林峯於三年前，爆冷成為《十大勁歌金曲頒獎典禮》的「亞太區最受歡迎香港男歌星」後，今年無綫再接再厲，將「金曲金獎」頒予林峯主唱的〈Chok〉，錫到出曬面，難怪連自己人李思捷都話「夾硬嚟」，而郭富城經理人小美仲話「超冇眼睇」。

「Chok」過龍的後果，除了令林峯成為笑柄之外，還接二連三獻醜人前，先在廣州錄影賀年節目下身「動L」，然後當眾當「福祿壽」透明，又在「華姐」競選踩佳麗裙腳，頻頻出事的他，惟有以最傳統的方法——買紅色內褲過新年，趕走衰運。

身為亞視新聞部前高級副總裁嘅梁家榮，因為亞視新聞部誤播江澤民嘅死訊，所以要負責兼請辭。早排佢受盡各大傳媒追訪，仲要上立法會度接受諮詢，當然成為去年風雲人物之一嘞，可惜佢搞到冇咗份工，自然係愁啲囉。

早排，東姑喺何文田巧遇梁家榮，佢企喺街邊煲煙，就愁眉深鎖，既憔悴又欷歔。不過，塞翁失馬焉知非福呢？踏入新嘅一年，希望梁家榮重新振作再上路，踏出人生新里程。

生於演藝世家的曾國猷（Mark），父親是影帝曾志偉，哥哥曾國祥去年被提名金馬獎最佳新進導演，同父異母的姐姐曾寶儀是台灣名主持和演員，後台的確強勢。

曾國猷的外貌及圓渾身形似足父親，大有潛力走諧星路線，「人人話我似足老竇，尤其是個樣，爹哋是一個好叻的人，我哪及他咁叻。我只有興趣做幕後，想做些成績給他看。」

曾國猷有份投資的網上24小時全天候才藝平台WATT（We are the Trend），於上月正式開幕，曾志偉高調拍片祝賀，曾國祥現身撐場，以為他們也有份入股，曾國猷搖頭否認說：「我沒找他們幫手，希望試嚇靠自己。個team已經好strong，有八個partners，爹哋叫我努力去做，勤力自會有成果。」