媽咪姐手帳
呢排興生仔潮！Kelly、劉華、千嬅同羨妮相繼報喜後，唔少傳媒都關心鄭秀文幾時同安仔生番個小安。不過早前Sammi出席海港城活動時，竟一口拒絕話：「我冇打算生，毫無衝動做媽咪，除非上帝安排我生啦！」
Sammi生仔就等上帝安排，不過媽咪姐就建議佢得閒最好睇睇針灸或跌打醫師，事關佢右手無名指第一節明顯腫起。北京醫院一位針灸師就話：「Sammi係腳踝勞損，無名指先至會咁！」媽咪姐知道Sammi每日keep住跑八公里，趁完成巡迴演唱會後，快啲睇睇隻腳，好好休息吓啦！ ####
無名指第一節比其他手指，明顯腫起一大嚿。Sammi忙完巡迴演唱， 好快快去睇醫生。
當日活動， 陳寶珠同Sammi鬼咁好傾，不過好傾過頭，Sammi忘我到打底裙露出都唔知。
唔生B唔緊要， 但要顧住身子呀!﹙設計對白﹚
855期
