媽咪姐手帳
周六晚(10日)有《歡樂滿東華2011》睇,媽咪姐梗留喺屋企支持!唉,不過今年無巨星壓陣,九點幾就聽緊尹光唱歌,真係咁多年都未試過囉。好在,仲有何家千金何超蓮!
今年賭王三太陳婉珍做咗東華副主席,仲落手落腳表演炒蟹籌款。但大女超雲同阿仔猷啟有事無嚟,得番細女超蓮撐場。咁,就梗要搏盡啲!孝順嘅超蓮,無懼寒風,着咗條低胸穿窿短裙,陪足阿媽成晚,負責講笑、影相、食嘢兼social。做千金,其實都好忙㗎!
機不可失
超蓮話:「支持媽咪, 佢煮嘢好叻, 最拿手係嚤囉雞飯。」佢仲幫三太穿圍裙(小圖), 照顧周到。值得留意嘅係,整個過程佢都無放低過部手機, 係名副其實嘅iPhone迷呀!
自拍追星
對一個後生女嚟講,陪阿媽坐成晚真係幾悶!好彩, 仲有iPhone。超蓮全晚就玩自拍、whatsapp。 媽咪姐仲到,有朋友問愛追星嘅佢, 去唔去13廠搵唐詩詠㖭?
終於可以着褸返屋企, 超蓮同大班記者單眼, cute到呢!臨尾自己開車門上車, 無乜架子㖭! ####
性感積福,善有善報!(設計對白)
三太呢晚表演炒蟹籌款, 超蓮好俾面阿媽, 食得幾滋味!朱咪咪都食唔停,應該真係幾好味喎!
855期