媽咪姐手帳
樂壇新人年年都有十個八個，講到今年嘅新人，媽咪姐淨係記得欣宜同林欣彤。兩位大熱今年一定爭崩頭。
不過媽咪姐收到風，TVB新人獎已內定俾林欣彤，皆因同無綫關係友好嘅英皇，極力幫林欣彤爭取，講明會投放好多資源落林欣彤身上，做第二個容祖兒咁話。林欣彤回應攞硬TVB新人獎時話：「我有信心攞TVB新人獎，公司會幫我安排一切。」其實無綫一向數口精，新人獎俾林欣彤大家都有so，睇嚟欣宜都要打定輸數。 ####
欣宜同林欣彤同台演出都要數番上個月嘅仁愛騷，佢哋喺台上顯得相當有默契，尤其係出自演藝世家嘅欣宜，絕對交足貨。
欣宜話好開心今年有個好對手叫林欣彤，佢仲鋪定後路話：「邊個拎新人獎都唔緊要，最緊要係嗰個人識音樂。」不過當佢知道TVB個新人獎會俾林欣彤，佢個樣變得好無奈囉！
林欣彤主持《水之源》節目獲得好評，又唱又跳仲要落水田捉魚，咁賣命抵佢攞獎。
855期
