媽咪姐手帳
媽咪姐仲記得，三年前郭富城喺首次以旋轉舞台作招徠嘅演唱會上講過，嚟緊幾年都唔會再開演唱會，因為佢想專心做一個舞台劇，仲話當年買到演唱會飛嘅觀眾有運！言猶在耳，舞台王者郭富城嚟緊又開演唱會喇。
今次阿王同樣用舞台作招徠，又加咗一啲新舞蹈搭夠。可惜，幾好睇嘅騷都會有睇夠嘅一日！嚟緊18號就開騷嘅阿王，今次玩埋跨年，總共開足16場。不過媽咪姐周一（12日）去睇過，暫時只有星期六、日滿座，而平日甚至嚟緊嘅元旦都有大量飛未賣得出！媽咪姐仲收到風，主辦單位估唔到今次效果會咁唔理想，打算下星期開始會以「非常優惠價」促銷啲飛。不如，考慮吓叫熊黛林做表演嘉賓啦！ ####
Honey，你係時候出手嘞！﹙設計對白﹚
Baby，我實撐你㗎！﹙設計對白﹚
甚少要出嚟宣傳個唱嘅郭富城，早幾日搵電視台去採訪佢綵排，仲發埋相俾報紙登，無非都係想多啲人肯俾錢睇佢演唱會啫！
黃牛黨以為郭富城開騷實有錢搵，晨早就去撲定靚飛靚位，點知今次中招，近日已經不斷喺網上以正常價出售！
開騷前五日，媽咪姐見到其中12場都仲有大把飛賣，想睇唔同位置咩？仲有10場可以俾你揀任何價位嘅飛。
855期
