媽咪姐手帳
新一代宅男女神糖妹（黃山怡）每晚都喺《甜姐兒》個節目度食食食！估唔到佢竟然連星期六、日都出埋鏡，呢期絕對人氣爆燈。不過，得24歲女嘅糖妹，上周六（10日）出席《歡樂滿東華》扮80年代紅極一時嘅陳慧嫻，居然扮得似層層，無論歌藝、樣貌都似到極點，最緊要就係連衣着都似模似樣！
媽咪姐以為佢為咗要扮嘢所以着得老土啦，點知周日（11日）糖妹再去將軍澳出席新城電台一個活動時，竟然同樣着得老土兼騎呢！人已經唔高，仲將冷衫攝入長裙，媽咪姐知今年興復古，但都要襯啱先着，依家變咗老土肥阿嬸，錯曬囉！ ####
周日（11日）再出席活動時，糖妹將冷衫攝入裙頭，令人頭！台上仲自爆最愛無綫靚仔陳智燊，但陳生見到你呢個款，應該只會say hi同bye囉！
上周六（10日）糖妹扮到十足十80年代嘅陳慧嫻。呢頂帽同件褸，再加埋平底鞋，已經扮得好入型入格，估唔到佢連把聲都似埋喎！
糖妹同丁樂鍶（左二）、徐淑敏一齊主持《甜姐兒》介紹甜品，有服裝贊助，即時順眼好多。
855期
