同你吟一吟
星期日（十二月十八日）亞視舉行《ATV2011亞洲先生競選尋找亞洲超級男》，全晚高潮所在，係十六位參賽者著住貼有過萬元水晶嘅白色泳褲登場。泳褲價錢都係其次，重點係size唔多啱身，搞到部分亞洲先生三角地帶離奇出現M mark，當中以1號塗諾最明顯，另外來自日本嘅6號辻伊吹，以及香港代表14號羅廣森，亦遇到相同情況。
鬆身泳褲諗住隱藏雄風，點知帶嚟反效果，最醒目都係雙料冠軍13號邱士峻，貼身剪裁令雄風原形畢露，難怪每次出場，台下觀眾反應都係最熱烈。至於賽前大熱，有「肌佬呂良偉」之稱嘅7號陳景國，雖然全場最大隻，擁有43吋胸肌，但只係攞到「亞洲猛男大獎」，就算泳褲環節全場最激凸，始終要輸比青靚白淨台灣仔13號邱士峻。
M Come 男
泳褲唔啱size，雖然唔會移位走光，但下體現M mark，仲衰！
無毛豬vs激凸男
來自吉爾吉斯嘅11號謝傑．比薩松（左），明明擁有一雙金色飛毛腿，但一對胳肋底居然寸草不生，都係7號陳景國似番個男人，肌肉、雄風兼備。
大會請嚟Jessica C做嘉賓，不倒警鐘胸成為亮點，但最驚險係JC要响亞洲先生身上爬行，萬一雙手落點有誤差，唔知算唔算非禮！
三甲塵埃落定，得亞軍係韓國代表2號尹雅嵐（右），至於季軍有香港代表12號林睿（左），冠軍嘅13號邱士峻則大熱勝出。 ####
有料到贏埋胳肋底！（設計對白）來自台灣嘅13號邱士峻，貼身泳褲宣示雄風，就算肌肉唔夠發達，一樣博取到評判歡心，攞到亞洲先生冠軍以及亞洲魅男大獎，成為雙料冠軍。
6號辻伊吹
1號塗諾
1137期
