同你吟一吟
新一屆亞洲小姐經過一輪甄選，香港代表只剩低七位，大會再安排十三位來自中、台、澳洲、加拿大等地佳麗加入，準備明年一月進行大中華總決賽。上個禮拜二（十二月十三日），二十位佳麗著住三點式泳衣，响機場天際萬豪酒店室內泳池見傳媒，多女人自然多是非，兩位香港代表17號馮虞軒以及18號王家敏喺記者會當日就發生整頭爭髮型師事件。
事緣擁有33C心口嘅17號馮虞軒，同大會髮型師Jacky朝夕相對，已經發展成為情侶，局中有人好辦事，set頭扮靚自然有優待，鍾意整幾耐就幾耐；終於搞到前英皇小花18號王家敏，記者會當日分唔到人幫佢整頭，差啲出唔到場。事後王家敏同亞視投訴，仲話要退選唔玩，大會危機應變即場安撫，佢雖然肯妥協，但就刻意同馮虞軒背對背黑曬面，有曬姿態，擺明唔妥你。
幫過謝雪心整頭嘅Jacky Au，效力hair corner，因為幫亞姐整頭，識到現任大胸女友17號馮虞軒，仲假公濟私，用好長時間幫女友整頭，懶理其他佳麗。
上鏡忌肥，但瘦到紙片人一樣亦唔係好事，來自瀋陽嘅5號鄭茹方（左圖），以及香港代表19號馮雪冰，側面睇，瘦到好嚇人。
另一位香港代表14號胡主莉，36D豪乳繼續力壓一眾佳麗，另一來自吉林嘅11號陳一荻，36C心口唔及滿身肥肉搶曬鏡，佢仲自辯水腫唔係肥，佩服！ ####
分組影合照，18號王家敏笑唔出，全程用背脊「得」住17號馮虞軒。
1137期
