同你吟一吟
性格出名火爆嘅吳鎮宇，試過响九龍城鬱手打人，被判罰款兼留案底。經一事，長一智，加上仔仔Feynmam已經三歲，鎮宇近年都盡量克制，做個好榜樣。
上個禮拜三（十二月十四日），《壹》仔响主題公園見到鎮宇一家三口排隊買飛入場，因為有新款機動遊戲推出，門票加曬價，成人三百九十九，小童要二百八十五，兩大一細，未見官已經放低一千大元，不過當日依然排長龍，鎮宇一邊排隊一邊睇書，吳太就負責推車仔照顧仔仔。入到場，先去新遊戲區參觀，見四圍都係遊客，鎮宇親自出馬推車仔，仲買咗個蜘蛛俠面具俾個仔戴，湊仔慈父look，難得一見。 ####
場內人多，鎮宇做湊仔公推車，Feynmam戴住蜘蛛俠面具，襯曬一身紅衫紅褲打扮。
排長龍買飛，鎮宇睇住書等，老婆負責俾錢買飛。
新遊戲「轉轉彈弓狗」人龍打蛇餅，鎮宇同太太等到呆呆哋，但仔仔表現興奮。
1137期
