媽咪姐手帳
祖國遍地黃金，藝人北上拍劇搵人仔成大趨勢，百足咁多爪嘅麥玲玲最近亦唔執輸，除咗頻頻返大陸睇風水外，更趁住挨年近晚，學人搞淘寶網，專賣辟邪擋煞飾物。
聽麥師傅講，話嚟緊呢年屬龍、屬狗、屬兔同屬牛嘅都係犯太歲，要佩戴其他生肖形狀嘅飾物，本身屬狗嘅媽咪姐諗住買番件飾物戴吓，求個心安啦！點知麥師傅話網站上個禮拜一開賣，唔夠兩個鐘就俾善信掃光兩萬件飾物，想買嘅話就要等返貨喎。 ####
睇見嗰堆數目字，愈諗愈開心，嘻嘻！（設計對白）麥師傅開邊瓣賺邊瓣。睇佢喺銀行行出嚟時仲笑口噬噬咁，肯定銀行戶口銀碼又飆升啦。
麥師傅個淘寶網專賣辟邪飾物，食正人人求平安心態，難怪2萬件飾物都搶購一空啦。
856期
