媽咪姐手帳
早幾日商台有個「拉票大後台」活動，講到明會有個開放式後台，似乎想大家睇吓啲星平時喺後台搞乜。換衫就當然冇得睇，不過謝安琪頻頻補妝，成功吸引龍友狂影，阿Kay又似乎好受落，不停chok住補妝。
反之同樣喺後台「表演」嘅蘇永康，台前戴住副超chok住影相當然型仔，但喺後台就除眼鏡捽鼻，樣衰指數爆燈。喂蘇康，唱歌好聽唔係大曬喎，明知道大家望住就咪咁肉酸啦。 ####
捽鼻台前型仔look嘅蘇永康見得到嘞，冇眼鏡兼唔顧衞生捽鼻捽到口都歪嘅樣大家見過未？媽咪姐唔多講，大家睇相啦。
補粉
chok住影全副武裝戴金超嘅蘇康型爆，同身邊着到好平民嘅梁漢文好唔襯喎。
搏命補出年年頭紅館開兩場個唱嘅謝安琪，為咗穀飛，補多幾轉粉都在所不計啦。
856期
