媽咪姐手帳
無綫破格劇《天與地》，最近收視跌至新低，平均得23點，好多人話因為睇開低能劇嘅師奶觀眾唔撐。喂喂喂，媽咪姐要鄭重宣布，我係撐到底㗎！
嘩，真係十年唔逢一閏，有呢啲鼓勵腦部活動嘅電視劇睇囉。食人鏡頭好殘忍咩？殘忍得過我哋香港人愈嚟愈無選擇，要硬食湧入嚟嘅內地大肚婆、加極都有嘅電費、為奴為婢都買唔起嘅貴樓，仲有疑似有得揀、查實零選擇嘅特首。唉……愈講愈灰，都係學吓陳豪啦！今年媽咪姐每次喺工作以外見親佢，佢都係揸杯咖啡，笑看人生。而且，陳生無話飲死一間咖啡店，佢間間都幫襯吓（係呀！有得揀好揀嘞！），非常隨和，好「世界」㗎！難怪除咗陳茵媺愛死佢，廣告商同老中青嘅雌性動物都勁冧。媽咪姐又點？暈咗好耐啦。 ####
15/12撐Starbucks陳生舉起杯Starbucks咖啡，笑住向媽咪姐示意。再望望佢嘅身形，比起兩年前拍《天與地》，真係闊咗成個碼！記得佢話為拍劇先狂操，大家真係要睇多幾集，支持吓嘞！
陳豪好眼利，行兩步已經發現咗媽咪姐，成功唔止靠親民咁簡單嘅。
15/4揸Pacific除咗Starbucks，陳豪仲會幫襯Pacific Coffee，得閒會自己沖番杯㖭！不變嘅，係永遠帶笑，處處都有陽光呀！
20/9飲自家啡
856期
