媽咪姐手帳
放心，佳節流流唔會食人肉，反而賣人肉就真。一班荷里活明星早前趁聖誕假期，避開寒冷大雪，轉移陣地享受陽光與海灘。當中有最靚嘅「大騎樓」，仲有最驚嚇嘅「龍躉」。雲與泥、天與地，睇到媽咪姐心臟麻痺。
小天後大騎樓
美國小天後Katy Perry聖誕節飛甩諧星老公Russell Brand，同朋友去夏威夷嬉水。就當日所見，Katy着咗件啡色比堅尼，個海愈碧波，佢就更蕩漾，胸部就如湯唯話齋：「蕩呀蕩呀」，鬼咁彈。
前湯嫂有事業
湯告魯斯未同姬蒂時，曾同model Sofia Vergara拍拖。講開Sofia就犀利囉，自我發憤由奀星升到上小花，家吓仲有份參演美國人氣劇集《摩登家庭》，成功入屋。早前聖誕節，佢到墨西哥度假。雖然已為一子之母，但保養得宜，事業同事業線兼備。
名主持毛巨胸
《一夜成名》主持Simon Cowell出名尖酸刻薄，其實佢都唔係好得去邊。52歲高齡，但身材仲見得吓人，無奈胸肌練得太大，成個女人咁，仲有濃密如髮菜嘅胸毛做配襯，重口味得滯囉。
細威雌雄胸體
細威貴為網球手，身材梗係健碩。可惜運動過度，全身肌肉冇女性線條，個樣又成個男人咁。好彩佢個胸唔算細。總算補番少少女人味。 ####
我有天使面孔!（設計對白）
我有魔鬼身材!（設計對白）
857期
