媽咪姐手帳
講完歌壇天後，又講吓影壇天後吖！早前，媽咪姐約咗班靚太朋友仔去中華遊樂會食飯（要成85萬入會費㗎！），竟然俾我撞到林青霞喎。
只見佢同兩個助手一行三人喺門口食風，等緊司機嚟接，點知有個的士司機將部車泊正喺門口等客，阻住青霞上車。搞到大美人都忍唔住啤咗佢一眼，身後嘅保安哥哥「嗱嗱臨」上前，趕部的士離開。有眼不識大美人，大罪嚟㗎！ ####
當日氣溫得嗰十幾度，呢架的士阻住大美人上車，搞到佢要吹風，頭都亂埋。
你睇青霞啤住的士嘅視線幾淩厲！
好在，後尾有助手開埋門侍候，起駕。
點解青霞唔等得？因為大美人一向係受寵嘅，佢上個月生日就收到影迷送嘅生日報（出生當日嘅《人民日報》）、竹簡信同肖像手機殼㖭！
857期
