媽咪姐手帳
由影視界轉戰飲食界嘅穀祖琳，幾年前喺大坑開咗間糖水舖「小甜穀」後，生意滔滔不絕，仲開埋分店㖭！見有啲成績，穀媽媽又「手痕」想露兩手，早前小穀就同媽咪喺總店附近再開「穀媽媽小廚」。
早幾日，媽咪姐去開大坑搵食，行經「穀媽媽小廚」，發現人頭湧湧，舂個頭去八卦一下，原來有日本飲食節目介紹緊穀媽媽嘅舖頭呀！媽咪姐眼利，一眼就瞄到主持之一係前商台DJ、後來去咗日本發展嘅謝昭仁，仲搵埋拍過賣座片《喇叭書院》嘅上位型男平岡祐太嚟！
連日本電視台都介紹，唔知下次去食，會唔會見到木村拓哉同加藤鷹呢？
昭仁同穀祖琳老友鬼鬼，特登搵拍過《喇叭書院》嘅型男平岡祐太（圓圈）嚟「穀媽媽」拍日本飲食節目，又表情多多，好鬼落力！ ####
我哋兩母女拍住上呀！（設計對白）
855期
