媽咪姐手帳
台灣歌手林宥嘉同小巨肺鄧紫棋（G.E.M.）嘅戀情，像霧像雨又像花，一陣又話情變，一陣又話轉地下情。
周日（11日），林宥嘉假九展開音樂會，當被問到會唔會趁機見女友？佢話：「時間緊迫， 不會見面。」再問佢同G.E.M.嘅關係？佢聳聳膊頭不置可否：「唔知喎！」小情侶情海或許翻波， 不過完全冇影響宥嘉嘅演出， 當晚佢又除衫又自摸。點解自摸？可能冇得見G.E.M.，寂寞（自摸普通話諧音）啩！
同場加映盧廣仲周街碌
同場表演嘉賓仲有台灣人氣歌手盧廣仲，當晚佢貫徹騎呢本色，一身花喱花碌打扮。唱得興起時，佢攬住結他突然瞓喺台上左碌右碌。唔好睇小呢一碌吖，屈體翻騰一周半，難度甚高。佢一做完，全場拍爛手掌。 ####
後來唱得興起，佢起手就自摸，摸得都相當長時間，過足手癮。
林宥嘉出場無耐，即自動除衫，warm up一下。
你自摸不如搵我！（設計對白）
盧廣仲唱唱吓突然瞓地，喺台上碌來碌去，個頭仲爭啲撞到喇叭。
碌完終於坐番起身，不過盧廣仲似乎仍暈暈哋，笑到擘大口得個窿。
855期
