媽咪姐手帳
韓國中佬型男車勝元，憑電視劇《市政廳》同《最佳愛情》（啱啱喺有線電視娛樂台播完），不單成為韓國師奶殺手，連香港一向唔哈韓嘅姊妹都俾佢秒殺。
不過都係嗰句：世事無絕對。有邊個諗到喺電影入面專演傻吓傻吓二打六嘅佢，會變成今日身形fit到漏嘅型男呀。
呢位41歲嘅「阿渣斯」（韓國對「大叔」嘅稱呼）女人緣好到痺，不單之前同佢合作拍《市政廳》嘅金萱兒同《最佳愛情》嘅孔孝真呢啲熟女輩成為佢die hard粉絲，最近同佢合作嘅當紅女子團體，好似T-ARA、少女時代都一致話車大叔魅力無法擋喎。可見佢冧女功的確非凡，唔係吹㗎。 ####
41歲
車勝元人氣爆棚，廣告約不斷，早前佢幫服飾品牌拍廣告，大騷佢嘅撒手鐧——六嚿腹肌，更附送底褲頭。
那些年時以拍電影為主嘅車勝元， 靠一對粗眉大眼加戇居居表情，專演搞笑角色。同依家型男Look相比，簡直天差地。
車勝元憑《最佳愛情》已經先後擸咗唔少獎，話你唔聽，9號晚佢又喺韓國《2011 GRIME獎》封帝。女主角孔孝真得個「恨」字。
車勝元自言逆生長，先幫女子組合T-ARA嘅新歌《Cry Cry》拍MV ，飾演其中成員智妍（右）嘅殺父仇人。
嘩，做着魅力男老婆，真係會冇覺好瞓。
855期
