揞名爆
潮人「小武」作嘅曲、填嘅詞的確唔錯，大粒如一姐「早早」、一哥「尖尖」等都鍾意搵佢，因為咁而坐大咗佢嘅霸道。
話說「小武」出年２月會搞入行紀念騷，仲一早搵定嘉賓。照道理，佢開到聲，都唔會有人托手踭嘅，但所有星都有公司約，咁你都要尊重人哋公司喎。好似「早早」、「孖妹」咁，都要同公司商量度期安排先得㗎。但媽咪姐收到料話「小武」話之你，我「小武」叫到，你唔可以say no。不單擅自幫人mark期，仲過分到話要將所有嘉賓擺曬上海報宣傳。啲星對「小武」做法雖然不滿，但始終佢有江湖地位，唔敢得罪佢。哦，唔怪得擘口界有句名言﹕「寧得罪女人，莫得罪小武」啦。 ####
插圖：Wendy
855期
