媽咪姐手帳
荷里活靚仔靚女多的是，但數到靚爸靚媽，真係10隻手指都數得曬。要爸爸型仲要媽媽靚，來來去去，咪淨係得畢彼特同安祖蓮娜。勉強啲，可以計埋碧鹹夫婦嘅，之但係碧鹹嫂副尊容……
不過，最近「型爸索媽陣營」又添新成員。今年一月誕下麟兒嘅Miranda Kerr，貴為超級名模，自然修身修得快靚正。難得佢老公奧蘭度布林亦未有走樣。上周六（10日），奧蘭度帶住囝囝Flynn遊早水， 當日佢一條泳褲走天涯，不但以強勁臂彎抱住囝囝，仲曬埋大隻body，發放最強型爸力量。 ####
你哋唔羨慕得咁多！（設計對白）奧蘭度憑《魔戒》神射手一角而成名。近日佢攜子遠赴新西蘭，為系列外傳《The Hobbit》進行拍攝。閒時冇嘢做，就帶埋囝囝去遊水，相當好爸爸。
兩父子遊完水，晏晝就約埋媽媽Miranda，一家三口好溫馨。
Miranda係著名內衣品牌Victoria's Secret嘅禦用模特兒。佢今年1月中生完仔，幾個月之內已成功修身，早前仲fit爆行騷，真係羨慕死媽咪姐。
抄我要收版權費㗎。（設計對白）荷里活「型爸索媽」嘅最佳代表有畢佬同安祖蓮娜。上周四（8日），兩人撇低6個仔女，拍住拖出席電影首映。
855期
