FBI File
一年一度TVB籌款大騷《歡樂滿東華》，上週六（10日）晚又搵班總理同班無綫藝員呼籲廣大市民捐錢，FBI睇咗「東華騷」大大話話二十年，年年睇到半路都開始瞌眼瞓。
當日FBI都有去探班，鏡頭前悶爆，不如睇吓鏡頭背後風光好過，當晚FBI所見最eye catching一定係賭王三房千金何超蓮，雖然超蓮唔係表演嘉賓，但就陪今年出任東華副主席嘅媽咪陳婉珍出席。當晚氣溫跌到落11度，但愛靚唔愛命嘅超蓮只着打出半個心口嘅吊帶裙踩場，唔成為全場焦點至奇，之後仲傻更更話：「我唔知將軍澳氣溫，我有帶外套㗎，不過你哋咪高炒喎！」入到錄影廠後，傍住媽咪嘅超蓮，不停攞住iPhone 4S四圍影，而當嘉賓表演時，超蓮就不斷機不離手，四圍撩朋友WhatsApp，仲提到唐詩詠，原來超蓮唔只同G.E.M.呢類界偶像friend，電視姐仔都熟㗎！ ####
上週六晚東華騷，超蓮雖然唔係表演嘉賓，但當晚11度低溫下着上呢條超貼身低胸Herve Ledger晚裝，身材曲線現曬形。
狂影媽咪難得傍住擔任東華 副主席嘅媽咪陳婉珍（小圖），當晚超蓮去到邊都攞起部iPhone4S同媽咪影相留念。你睇佢幫媽咪影相嘅甫士幾咁誘人。
提唐詩詠
不過到埋位睇騷時，超蓮不斷揸住部電話WhatsApp朋友，眼利嘅FBI仲隱約見到超蓮友人不斷問佢走得未，而「唐詩詠」三個字喺二人嘅對話中出現。
頭很痛？前排先喺微博上載床照話自己腸胃炎屙到脫水，仲瞓住影相，咁似羲嫂「頭很疼」張床照嘅？
238期《FACE 週刊》
