愛馬亦愛小朋友 城城拒談娶黛林
郭富城和女友熊黛林（Lynn）婚期傳極冇影，早前Lynn被指去婦產科驗身，準備幫城城生仔。昨日城城在尖沙嘴出席活動，問到Lynn去驗身、見家長等，他六次表示「不回應」，反而講到新馬上場，則喜上眉梢，更已為愛駒諗定八歲退休大計，真是人不如馬。
郭富城昨日以代言人身份，在尖沙嘴出席浪琴錶開幕活動，吸引大批市民圍觀，同場混血女模Ana R.和Alice B.等性感示範新錶。城城獲大會送錶，他指媽媽也受惠，希望將來可以惠及哥哥等家人，問到可會益女友？城城即說：「唔回應，希望將來有屋企時，全家都可以受惠。」
（右起）Alice B.、Ana R.及新啤妹Angelina示範新錶。
城城昨日在尖沙嘴主持新店開幕，被問到與女友熊黛林（右圖）的婚期、生育大計，一概不回應。
資料圖片
未諗組織家庭
記者開玩笑問城城，可要惠及BB，他即忍不住大笑：「嘩，BB點戴呀？我自己一直都鍾意小朋友，但未諗咁快組織家庭。」熊黛林被指驗身生仔，他再次說：「唔真實嘅，唔回應。」問到城城準備做爸爸未？他即說：「冇呢個諗法，每次都問。」Lynn的媽媽表示見過城城，也對他有好感，城城繼續說：「唔回應，sorry，講番工作啦。」
視愛駒為寵物
之後講完錶講馬，城城首次做馬主，他興奮透露愛駒昨日抵港：「1,100磅重，三歲，噚日到港，唔太平呀，好幾個七位數字呀。」城城更諗好用自己的金曲為愛駒命名如《愛的呼喚》、《動起來》和《着迷》，當中以《愛的呼喚》最受歡迎。
問到Lynn喜歡哪個名，以及會否一齊拉頭馬？城城繼續再三不回應：「希望『愛的呼喚』今年可以落場啦，我當寵物咁養，當然唔可以養喺屋企，我有騎開馬，將來八歲佢退役，就放喺馬會會所，到時可以去騎，真係當寵物養。」城城指新年留港，之後去泰國拍戲。
採訪、攝影：林嘉慈
下一則:JM樂做樹精
