觀眾玩嘢嗌何小姐 柏豪開騷裝聾扮儍
一向緋聞不絕的周柏豪前晚在九展舉行音樂會，曾被傳與他拍拖的吳雨霏（Kary）現身打氣，近日被指是其圈外女友的Stephanie也有到場。柏豪表現落力，但有觀眾忽然大叫何小姐，明指賭王千金超雲及超蓮，擺明玩嘢。
周柏豪前晚在九展舉行「See You Soon Concert 2012」，原本住院的外婆由周弟陪同下到場打氣，圈中好友餘文樂、丁子高及同公司的董敏莉和楊愛瑾（Miki）等亦有捧場，鄭伊健和連詩雅擔任表演嘉賓。
周柏豪前晚開騷，雖有觀眾搗蛋嗌何小姐，但他裝聾謂聽不到。
餘文樂在台下睇騷，觀眾席有人大嗌何小姐，明寸柏豪與超雲的緋聞。
Miki（左）和連詩雅是永安太子爺郭永淳的新歡舊愛，同場難免尷尬。
被伊健突擊嚇親
曾跟柏豪傳緋聞的吳雨霏大方坐在台下睇騷，近日被指是柏豪圈外女友的Stephanie據悉亦有到場。Miki現任男友、永安太子爺郭永淳，最近被踢爆原來是連詩雅的舊愛，兩女同場表現尷尬。
整晚柏豪落力演出，但途中突然有觀眾玩嘢大叫：「何小姐！」擺明是指曾跟柏豪傳緋聞的超雲及超蓮兩位賭王千金，不過柏豪詐儍說：「我真係聽唔到你哋叫乜。」尾聲時，伊健忽然現身跟柏豪合唱《友情歲月》，令他一臉愕然，要伊健拍一拍他才開口合唱，認真搞笑。
伊健（左）突然現身，令柏豪驚喜萬分。
Miki舊情敵碰頭
完騷後，柏豪坦言唔夠喉，談到緋聞女友Kary現身撐場外，其圈外女友Stephanie有否到場？柏豪坦言：「應該有嚟，不過我唔知佢坐邊。」Kary到場，是否需要向Stephanie備案？柏豪聲稱：「我同佢其實只係好朋友，唔係女朋友，所以唔需要交代。」
問連詩雅和Miki合照會否尷尬？她說：「起初我哋仲一齊坐，佢都有叫我good show。」連詩雅不停大讚柏豪有風度和孝順，問她會否愛上柏豪？她說：「唔輪到我。」採訪：譚倩宜
攝影：葉君海
上一則:賴琳恩遭遊說全裸出鏡
下一則:愛馬亦愛小朋友 城城拒談娶黛林
