同你吟一吟
行政長官參選人唐英年，星期一（十二月十九日）响灣仔會展舉行造勢大會，千人到場力撐，除咗有政商界猛人，演藝界嘅周星馳同黎明都嚟支持，就連賭王四太梁安琪呢日都以澳博執行董事身份，以行動挺唐！
做完正經事，四太第一時間趕去中環太子大廈Chanel朝聖，睇吓有咩新貨返，同行仲有九巴太子爺雷兆光太太雷林靜怡。有人幫眼揀靚衫，但四太巡鋪十五分鐘依然冇斬獲，反而對店員手上嘅Macaroon最有興趣，食完再食唔怕甜。其實近年好多大型品牌店鋪，一律謝絕客人邊食邊睇衫，不過好似四太呢類買衫唔睇銀碼嘅VVVIP，就凡事總有例外。
####
正呀！（設計對白）
神級VIP嚟到，店員即刻遞上Macaroon招呼，四太個樣食得相當滋味！
知道食相上鏡，同雷林靜怡一齊行出門口嘅四太表現得唔多歡喜：「哎呀！咁都影，唔靚㗎！」
1137期
