媽咪姐手帳
自從MC Jin喺無綫攞咗「飛躍進步男藝員」之後，成個人生猛曬，連媽咪姐都戥佢高興。
上星期，MC Jin就同埋林欣彤、羅孝勇一班巨聲幫去海洋公園宣傳新開嘅機動遊戲。佢一去到已經表現到好興奮似足細路仔，玩完過山車之後，仲扮暈扮嘔，表情十足，其實都係想話俾人知呢個過山車真係勁啫！但林欣彤同羅孝勇呢對緋聞情侶就淨係識企定定影相，完全交唔到戲。玩完過山車，MC Jin又走咗落至多人嘅旺角宣傳嚟緊嘅個人音樂會。向來親民嘅佢，當日更顯親民，來者不拒，合照任影。今時今日，咁嘅服務態度咪啱囉！ ####
交下戲啦！兄弟。﹙設計對白﹚
玩完過山車，MC Jin扮曬行唔到要人扶，扮得似唔似都好，總好過身旁想縮手嘅羅孝勇、同無表情嘅林欣彤先啦！
落到旺角，MC Jin唔介意企喺睫毛宣傳廣告板旁，俾妹妹仔拉手拉腳都no problem，真係唔怕老婆Carol呷醋？
應付完妹妹仔，估唔到有另一班旺角街坊都想埋MC Jin身，佢梗係無所謂，仲同人扮chok影合照㖭。
855期
