FBI File
娛樂圈喜事一單接一單，上個星期二（6日），又輪到無綫高層梁家樹嫁女，邊個女？之唔係梁靖琪（Toby）囉。
新娘父母位高權重，新娘子又人緣好，當晚喺洲際宴客53席，賓客星光熠熠，就連姊妹團，都有北上拍劇特登飛返嚟嘅佘詩曼，唔怪得之個個都話卡士勁過台慶多多聲啦！
姊妹團當日度咗四個遊戲，焗新郎哥飲盡甜酸苦辣特飲同不文舔腸仔之外，仲即興發揮姊妹特長，叫新郎哥黃敏豪學鍾麗淇做高難度瑜伽動作。大佬呀，家娶老婆唔係上刑場喎？
####
迫黃敏豪與專業瑜伽教練鍾麗淇做同一個動作，唔怪得之新郎哥痛苦到標眼淚。
13人姊妹團有佘詩曼、周家蔚、鍾麗淇、湯盈盈，人多勢眾係惡啲。
醉佘要扶
喺橫店同胡軍拍緊《建元風雲》嘅阿佘專程飛返嚟做姊妹，散席嗰陣佢已經飲到high high哋，要郭少芸同蔡一傑左右護法上的士。
238期《FACE 週刊》
