FBI File
《萬千星輝頒獎典禮》嗰晚，對人歡笑背人愁，坐足成晚淨係拎得個白果走嘅，又點只陳豪同laughing哥呀？仲有嗰晚同FBI停喺環保大道同一個燈位嘅徐子珊呀！
我都明，扮到鬼火咁靚淨係有得恭喜人，條氣實唔順，但都唔使帶住把火出街，覺得個個道路使用者都係睥實你啩？卒之，FBI俾黑口黑面嘅徐子珊睥咗一輪，一轉燈懶有型咁踩行油走人，點知就俾環保大道嘅超速相機閃咗兩下囉！學似司徒法正話齋，懶有型，出事㗎嘛！超15公里扣3分㗎！ ####
台慶食白果當晚，揸車離開電視城嘅徐子珊超速被影快相，扣分兼罰錢。不過第2晚佢出席Toby婚宴照樣笑曬口，呢啲咪演技囉！
238期《FACE 週刊》
