博セ呀
明星同普通人有咩共通點？以為做星就不食人間煙火？所謂辛苦搵嚟自在食，明星同大家一樣會開爐煮嘢食，閒時就捐窿捐罅搵好嘢食，仲會開餐前影幅相放上微博同童鞋分享，一啲都唔獨食㗎！
張敬軒唱得高廚
軒仔唔只唱得作得，原來煮嘢食都得。大忙人就冇時間煮九大簋喇，但軒仔得閒都會煮啲輕巧甜品，不過連藥都識得自己煲，久病成醫就係咁解囉。
何超蓮千金巧手
何家千金超蓮唔只生得靚，廚藝一啲都唔比家姐超雲輸蝕。家姐主攻甜品，喺英國留學嘅超蓮就擅長整西餐，不時大顯身手請老友試食，仲話人人讚好添。
鄭秀文天後小食
之前在微博有人教用電飯煲焗蛋糕，估唔到連天後Sammi都有興趣試吓，整出嘅蛋糕仲似模似樣。但向來精益求精嘅Sammi就嫌唔夠入味，仲建議大家可以點改良添。
蠱惑食相
在微博除咗有明星素顏樣、chok相欣賞外，唔少明星都鍾意擺食嘢樣同童鞋分享。以下三位你覺得邊個係真性情、邊個擺明chok？
陳妍希
女神陳妍希幕前形象清純，真人就不拘小節，為咗宣傳新戲《愛的麵包魂》，每日將食麵包相放上微博，用心良苦。
糖妹
宅男甜心糖妹除咗鍾意食甜品，亦鍾意食其他香口零食，見佢自拍都要食粟一燒就知喇。
敖犬
上週初來港出席yahoo頒獎禮嘅敖犬，開餐都chok住用筷子夾嘴扮可愛，連粉絲都笑佢似豬嘴。
黄曉明餃王
在北京拍攝電視劇《精忠嶽飛》的黄曉明，冬至（上週四）返唔到家鄉同屋企做節，但專登叫劇組準備北方傳統過節必備嘅餃子補償番。
莊思敏蟹精
在微博話過自己「放假的日子就是吃、吃、吃」的莊思敏，最鍾意約埋一班姊妹好友大擦特擦。今月初，佢在微博話食咗萬二蚊大閘蟹，貴為8億拿督女，碎紙啫！ ####
喺微博自稱係「朕」嘅軒仔，鍾意食同煮之外，亦鍾意將美食相放上微博同大家分享，不過大部分都唔見軒仔上鏡，所以呢張軒仔食嘢相好珍貴㗎。
上月29日半夜軒仔打開雪櫃想食宵夜，發現蛋糕、杯麵唔見曬，仲話以為俾人打劫雪櫃。
雪櫃雖然「吉」咗，但都俾軒仔搵到湯圓、糯米酒和罐頭黄桃，於是落手整酒釀「櫻桃大丸子」醫肚。
超蓮（右）好友李蘊（左）當然成為座上客，亦有幸一試超蓮手藝，而佢在微博亦大讚超蓮煮嘢叻。
超蓮整嘅檸檬雞燴蘑菇飯嘅賣相拍得住餐廳，味道方面佢就話「不想自誇，但雞真的太好吃」，仲話食到好飽添。
Sammi跟足食譜做法，覺得唔算太好食，建議大家可以加花奶、鮮奶之類加強口感，一睇就知佢平時整開甜品喇。
天後識食唔出奇，最難得佢有求學精神，睇網上食譜學整餸，男友安仔有口福囉。
青島出生長大嘅曉明大哥，過節冇餃子食同我哋過年唔食雞一樣周身唔聚財，所以一返到屋企即食曉明媽嘅靚餃。
曉明大哥特登囑咐劇組在冬至準備餃子，仲話「不吃餃子會凍耳朵」，估唔到咁傳統喎！
上週三（21日）莊思敏約咗一班舊同學食晚飯，仲大讚同學嘅6歲囡囡好可愛添。
莊思敏放咗張帳單上微博，原來佢哋11個人叫咗25隻大閘蟹，即係$480一隻，唔算好貴啫。
240期《FACE 週刊》
