FBI File
32歲中女周麗淇（Niki）雖然早前俾有米紗廠太子Eric卓飛甩，但好彩播緊套《我的如意狼君》口碑唔差，至少情傷失意，都仲有事業頂住！
最近Niki又忙緊拍新劇《女警愛作戰》，上星期一（19日）， FBI喺九龍灣撞到Niki同謝天華拍緊《女》劇外景，FBI見Niki派頭十足，要三個人負責佢set頭、化妝同服裝，講出巡氣勢威過班無綫姐仔多多聲，甚至連Laughing Gor謝天華都要企埋一邊等佢補妝。Niki係威係勢，但臨場先嚟背稿，仲成日NG重拍，好彩Laughing Gor夠厚道，冇嫌Niki之餘，仲讚話：「佢（周麗淇）本身都喪喪哋，個角色啱曬佢啦！」乜喪唔使背稿咩？ ####
臨場咪稿
冇面見人周麗淇多人服侍，不過去到現場先拎住叠稿係咁背，可能佢自己都知𡃁，所以要用叠貓紙遮醜囉
Niki女王出巡，簡單拍一場外景，已經有三位私人助手招呼，威水喎！
之後同Laughing對稿，Niki都係唔記得對白，要助導喺側邊提場。
240期《FACE 週刊》
