媽咪姐手帳
台灣女星陳意涵，之前拍住韓國組合SUPERJUNIOR成員始源同東海拍咗齣偶像劇《華麗的挑戰》（香港J2台12月25日開播）。
早前，劇集搞咗個宣傳記招，兩個靚仔專程飛過台灣。佢哋一出現， fans見到偶像瘋狂無可厚非，估唔到連身為女主角嘅陳意涵同樣high到忍唔住，始源同東海見到佢嘅花癡樣，都大為尷尬，另一主角白歆惠更露出鄙視表情。
啲人成日話男人見到靚女容易失控。媽咪姐係女人，明白有啲女人見到靚仔一樣犯花癡㗎。 ####
陳意涵對住始源（右）及東海（左）兩個韓國靚仔，乜嘢氣質、乜嘢形象蕩然無存。真係該煨。台灣圖片
輸人不輸陣，當然要出「橫手」。（設計對白）
手法太過下三濫了。（設計對白）
剪綵時，陳意涵不單使出「橫手」，更將大半個身得住白歆惠，難怪白小姐一個怒啤。
之後喺海報簽名時，陳意涵瞄準鏡頭，刻意𠌥身搶鏡。
發姣發到出樣，該煨！
857期
