揞名爆
幾年前，同「暴龍」、「阿仔」、「動地」幾個寶島靚仔組合拍過偶像劇《星星公園》嘅「負離子」，口口聲聲話自己係虔誠耶穌子弟，但最近就俾人鬧爆佢有辱耶穌門楣，枉為耶穌子弟喎！乜嘢咁大件事呢？
話說上星期，「負離子」喺寶島中部出席完一個聖誕亮燈活動後，俾人見到佢喺活動場所後欄屙尿，本來冇乜大不了，最多俾人話佢核突、冇形象啫。好衰唔衰佢係屙喺一個聖誕花槽度哩。莫講話屙喺聖誕花槽，屙喺邊度都唔啱啦。通常只有飲醉酒嘅人迷迷糊糊下先會隨處屙啫， 好人好姐又點會做呢啲咁肉酸嘅事㗎？尤其「負離子」仲係一個藝人呀。媽咪姐都話佢抵鬧。 ####
插圖：Wendy
857期
