博出位
國產女星有鋪拍「牀」照癮，繼潘霜霜搞到林峯雞毛鴨血後，吳卓羲女友張馨予最近亦步好姊妹後塵，入侵男友微博帳戶，上載自己牀照。雖則話前車可鑑，不過近日眾星不論男女，唔理好醜，竟然大膽將自己睡前「懵」樣公諸同好。其中舒淇最搞鬼，放咗張大頭孖妹相出嚟。性感女神忽變大頭妹，夠曬卡哇伊！
舒淇
近日沉迷玩大頭apps嘅舒淇，搵周公前都不忘大頭一番。本來白色透黑bra瞓覺tee都幾有feel，但配咗個大頭之後，性感女神即時變咗詼諧趣星。
扮張馨予卓韻芝
早前張馨予將自己牀照相放在男友吳卓羲的微博上，搞到向來敢作敢言的卓韻芝（左圖），臨睡前亦要扮佢睡相， 仲問博友們：「像嗎？請問吳卓羲的微博密碼是甚麼？」真係笑咗出嚟。
素顏寶寶何超蓮
有「最索千金」之稱嘅何超蓮亦唔執輸，連素顏睡相都索過人， 更唔介意同人講自己係「爛瞓豬」，nice！
謝婷婷
謝婷婷一向我行我素，瞓覺都一樣，連日嚟佢都有上載唔同嘅牀照，任你睇任你揀，唔知身在外地嘅男友安志傑，睇咗會唔會更加掛住女友呢？
情侶寶寶鄧麗欣
男友方力申喺大陸拍劇，Stephy悶悶哋惟有上博解悶，仲整張素顏相上嚟話自己好孤單，夠曬慘情。
方力申
Stephy嗌孤單，近排長期留喺哈爾濱拍劇嘅方力申其實亦唔好過。凍到僵曬嘅佢，瞓唔到之餘，仲要狂敷mask補濕。
男子組譚詠麟
校長譚詠麟向來都係愛博之人， 去到邊都博到邊。呢次佢去咗內地做騷，不過年紀大機器壞啦，騷前譚伯都要喺酒店小睡片刻叉叉電。
杜汶澤
近日杜汶澤忙拍電影《低俗喜劇》，前幾日佢同宅男女神DaDa陳靜拍一場探病戲。未埋位嗰陣，DaDa竟然搭實杜生隻手，喂！小心杜太呷醋呀！ ####
想學舒淇整大頭相？只需download大頭apps，影相後便會自動將頭放大，方法超簡單。
855期
