揞名爆
有個喺名店做「sell屎」嘅姊妹對媽咪姐大呻﹕「你哋啲傳媒成日寫到早前喺電視劇《為乜係先生》入面做得好好嗰個姐仔『家人』好純品、乖乖女，未見過佢真人時，我都信以為真。哼，見到佢真人，原來好大支嘢㗎。
「早幾日之嘛，『家人』入嚟店舖睇衫，唔好話係藝人，普通人入嚟都要招呼啦。於是咪埋去問佢有咩需要幫手囉，哈，你估佢點呀？完全唔睬我，仲用對眼啤吓我喎，咪識趣行開囉？冇耐，見佢起件衫想試身咁款，咪又行埋去問佢囉。佢望都冇望我，住件衫直入試身室。試完出嚟，循例問佢啱唔啱心水？佢竟然黑曬面口一句『唔啱』。揼低件衫就走咗去。哼，幾大牌嘅藝人都見過啦，姐仔啫，使唔使咁寸呀。」
阿妹，得饒人處且饒人，睇開啲啦。 ####
插圖：Wendy
857期
