媽咪姐手帳
Amanda S.喺中環開甜品舖唔夠半年，搞到有聲有色，連員工都愈來愈多。佢由整餅、賣餅到管理員工都一腳踢，早排發現有個女餅師偷曲奇餅同食材，最終出手怒炒對方，搞到自己成個聖誕都冇假放，慘。
上禮拜六（24日），平安夜當日，Amanda S.照樣喺舖頭坐鎮，做到唔停手，唔係沖咖啡，就係招呼客人，忙到笑容都硬埋。出曬名勤力嘅佢，依家差唔多日日都喺舖頭幫手，極少做model行騷，睇嚟以後班粉絲要見佢，都要去幫襯買件cake先得嘞！ ####
Amanda S.包蛋糕期間，又指揮員工做嘢，見佢忙到一頭煙。
嫁咗都咁勤力！Honey，你真係娶得過呀。（設計對白）
除咗落手落腳沖咖啡、包蛋糕，Amanda S.仲做埋收銀。
網民對Amanda S.嘅甜品舖有讚有彈，不過大多數人都話佢人靚又友善。
857期
