媽咪姐手帳
當甄子丹俾到五星級嘅好老公服務時，袁詠儀話你知，乜嘢叫黑足全套！就同一日之嘛，媽咪姐見完甄子丹，行過兩步就喺名店Cova撞到靚靚喺度揀聖誕食品。不過呢，嗰日佢嘅面色就同佢嘅衣着一樣，以黑色為主嘅！
唉，其實只係俾人影兩張相啫，因乜事呀袁小姐要咁鬼躁，全程揦埋口面，仲千方百計要背向鏡頭，連sales想介紹特色食品俾佢，佢都聽唔入耳，猛話：「後面有人影相，我唔會擰轉面俾佢影到㗎！」係喎，唔記得咗你係「影後」㖭。失覺曬呀！ ####
躁爆擰歪面
袁詠儀為咗唔俾人影到，死都唔面向門口，媽咪姐吼佢好勞氣講電話唔覺意擰轉頭時，先影到呢張正面少少嘅相咋！
老婆，女人咁躁好易老㗎！（設計對白）《蘋果日報》圖片
睇影後咁樣孭個Hermés，紮行馬咁款，媽咪姐真係有啲驚囉。
856期
