探熱針
與老外男朋友Mark拍拖五年的鄭欣宜，去年動用肥姐遺產，以一千一百萬買下半山物業，與男友同居。雖然Mark曾陪伴女友經歷喪母人生低潮，但卻經不起感情考驗；據知，原定上週二人拍拖放假飛返加拿大探親，卻在臨行前突然鬧翻，Mark獨自返鄉下，更搬離欣宜香閨，改與友人住旺角。Mark離港散心，欣宜在facebook上載一張「有緣無份」中英註解照片，暗示五年情處於急凍階段。
小事化大
欣宜與男友Ryan Robert Mark在加拿大讀書時認識，上月底剛度過拍拖五周年紀念，豈料感情出現急轉，本來與欣宜在列堤頓道俊傑花園同居的Mark，突然搬到旺角朋友家中。「Mark當初為咗女朋友搬嚟香港，就係唔想分開太遠。欣宜近年愈嚟愈忙，好多時候早出晚歸，大家少咗溝通，就算見到面都會為咗少少事鬧交，有時喺朋友面前都照鬧，我哋都見慣不怪。之前仲聽到佢兩個話一齊返加拿大，點知最後得Mark一個飛，臨走前仲搬咗去旺角，都唔知佢哋搞乜。」Mark身邊友人透露。
拒絕分手
據知，Mark於上星期二（十二月六日）晚起程返加拿大，因為聖誕期間要為無綫錄影兒童節目《放學ICU》，月尾前便會回港。對於鬧情變，欣宜說：「冇呀，我哋冇事，仲好好。（咁點解佢搬咗旺角住？）吓，我哋拍咗拖五年，佢有時會嚟我屋企，但唔算同居，佢有自己apartment，而家同個男仔喺旺角住，我都好開心佢搵到個room-mate！」對於男友獨自返加拿大，欣宜解釋：「佢daddy身體唔係咁舒服，係我叫佢返去，年尾咁多頒獎禮，我邊行得開呀？其實Mark原定十一月尾起程，佢知我有音樂會（十一月廿九日），專登留低睇埋先走（你幾時返加拿大？）希望農曆新年，好想探吓媽咪（掃墓）。」
英文退步
欣宜否認分手，但承認雙方溝通出現問題，「講真，返咗香港咁耐，我一直好努力學中文，英文好自然會退步，試過想用英文同佢講『我要爭氣』，點知講極都講唔出，溝通上係差咗。（Mark係唔係你真命天子？）好多嘢好難講，不過我都希望係（Mark係咪同你求過婚？）冇求過婚，大家嘅事業都係啱啱起步，應該專注喺工作上。」但另方面，欣宜卻在男友離港後，在facebook上載一張中英註解「有緣無份」照片。
全力爭獎
感情有待處理，欣宜當前急務，還要面對各大樂壇頒獎禮爭新人獎，「欣宜派台嘅歌都hit，港台、新城、無綫肯定有獎，商台就差少少，希望會有個銅獎，成績算好㗎喇！」唱片公司人員說。對於獎項，欣宜抱着隨緣態度，反而緊張頒獎禮戰衣，「獎係其次，最擔心、最緊張係到時要著咩衫，我到而家仲未諗到。今年樂壇有良性競爭，Alfred（許廷鏗）、Mag（林欣彤）都係唱得之人，大家私下都係朋友，所以感覺好開心。」
人鬼情未了
娛樂圈現象，男星愛北上拍拖娶妻，女藝人鍾情外籍猛男，但一句到尾，維繫感情唔容易，同鬼佬拍拖，唔一定靠得住。
宣萱撇獸醫
宣萱本打算效法吳彥祖，與拍拖兩年的外籍獸醫男友到南非結婚，但今年中突然宣布分手。有指宣萱恨嫁趕生BB，與年輕四歲的男友無法達成共識，無奈斬纜。
梁詠琪嫁西人
與鄭伊健分手，梁詠琪連續兩位男友均為外籍男士，分別有法籍的Sly和美籍的Matthew，直至遇上來自西班牙的Serigo，拍拖半年，今年十月初結婚。
莫文蔚
愛情路上跌跌撞撞的莫文蔚，與德籍初戀男友Johannes分手二十四年後重逢，並到相識地意大利，舉行童話式婚禮。 ####
上月底的音樂會上，欣宜喊了三次，藉此抒發了很多的情感。
不懂中文的Mark為撐女友睇足全場，欣宜雖然很感動，但卻表示他完全不明白自己在唱什麼。
上載facebook當Mark離港後，欣宜上載了這張「有緣無分」的中英註解圖片在facebook。
欣宜與Mark在大學時認識，彼此了解，在踏入五周年的時候，感情起了暗湧。
Mark在Kids PhD教小朋友英語，除了是導師外，還是老闆之一，他計劃於明年開分店。
除了擔任導師外，在欣宜的協助下，無綫以六位數字的薪酬，請了他在《放學ICU》裡教英文。
同屬星煥唱片旗下的欣宜及許廷鏗，是年底頒獎禮的新人獎得主大熱人馬。
晚上為無綫拍攝飲食節目，未埋位的欣宜一臉惆悵，未知是否為感情事煩惱。
林欣彤是欣宜最強的新人獎競爭對手，幸好兩人間存在的是良性競爭，私下是朋友。
肥姐生病至病逝的時候，欣宜幸好有男友陪伴左右，才能度過人生的低潮。
1136期
