名氣街
一代ball後薛芷倫（Fanny）09年患上乳癌後隨即隱退ball場，直接減低名氣界的可觀性。消失年半後，薛芷倫於今年初強勢回歸，宣告抗癌成功，但病癒後的她，五官產生異常變化，一度惹來整容疑雲。咁都未算，上周六（10日）是薛芷倫48歲生日，一眾好友在中環為她搞生日party。穿上金色閃裙的她，遠看明艷照人。不過細看之下，輪廓比以往更見分明，鼻樑筆直高到眉心，而下巴更兜得異常突兀，變出巫婆般的下巴，明顯執得過火，十分驚嚇。
上周六（10日）薛芷倫回歸ball場後首次公開慶祝生日，於是她一眾好友包括設計師鄭兆良、葉梁美蘭、傅明憲等，在中環置地文華東方酒店的Amber為她搞了一個驚喜生日party。
下巴尖到翹
當晚現場有大批傳媒聚集，等候一代ball後駕臨。女主角薛芷倫在千呼萬喚之下，於晚上9時以一襲閃爆的Versace for H&M金色裙到場，表現風騷。她除大談「身體健康」簡單的生日願望外，更不避嫌透露她和前夫馬清偉現時的關係，她說：「我哋成日都有見面，佢有送禮物，不過唔會話俾你哋聽佢送乜嘢禮物，最緊要有好多好多love。」記者發現今年已48歲的她，五官明顯比以前更見標致，眼大如公仔、雙唇豐厚、鼻樑筆直。最礙眼的都算是又尖又長的下巴，兜得非常驚人，變成鞋抽面。事後記者將薛芷倫當晚生日會的照片給 Dr Reborn專業醫生整容中心分析，其市場推廣經理陳小姐認為薛芷倫的下巴形狀誇張，她說：「跟之前嘅相比較，依家下巴明顯好兜。一般可以喺下巴打多支透明質酸，透過醫生塑形，去營造豐滿下巴。如果整得over咗，可以打溶解針去將透明質酸整走，即時會見效，又或者等透明質酸慢慢被人體吸收，大約半年左右。」
巨型翹下巴當日薛芷倫下巴尖而長，側面睇翹得非常誇張，長度與鼻尖相若，而皮膚滑淨的她，鼻樑與下巴的膚色離奇變深。
鼻樑上眉心
從正面睇，薛芷倫鼻樑愈來愈直，長度直達眉心。而尖出來的下巴將面形拉長。
腋窩現疤大病痊癒的薛芷倫，精神飽滿， 不過腋下的疤痕仍未褪色，叉起手時亦清晰可見。
嘟嘴露紋淩晨一時半， 薛芷倫離開酒店，一見記者影相，即時嘟嘴， 露出嘴角的三條奇怪粗紋（圓圖）。
不反對整容
薛芷倫09年發現乳房有惡性腫瘤而絕跡ball場，更終日留守醫院，經歷了三次化療，雖然病情受控，但化療卻令她甩掉不少頭髮， 艷光不再，她曾說：「你唔會相信人冇咗頭髮，樣係完全唔同，真係好醜樣，我嘅自信心跌至零。」不過今年初她回歸ball場的首個活動，卻令人眼前一亮，因此惹來整容疑雲。對於外界批評，她強調自己五官絕無加工，她說：「有報道暗示我整過，但如果有的話，就唔介意被人講。但係我真係冇，報道對我好唔公平，尤其曾患過大病，依家康復，唔應該再針對我呢方面來講。」不過她其後又轉軚，語帶保留：「不過日後年紀漸大，我都唔反對人哋去做『維修保養』。依家科技進步，打針、護膚、做機都好普遍。我可以接受樣貌有少少唔同，但整個樣改變就冇必要。」大執後再度活躍ball場的薛芷倫，月底更殺入電視界，擔任由亞視舉辦的《亞洲先生2011》評判，即場對猛男指指點點。看來48歲的她，至今依然恨做新聞人物。
同場加映 靚太再變種
行政會議成員葉維義太太葉梁美蘭同是ball場常客，44歲的她與時並進，半年前更大膽披露塞透明質酸矽袋隆胸，由32Ｂ升至32Ｃ。不過隆胸後的她亦並非全程豁出去，她說：「會慢慢俾身體吸收，慢慢縮，我就自然變番張曼玉，變番我以前嘅飛機場。」講一套做一套，有份出席薛芷倫生日會的她，胸部依然屹立不倒，未能印證「被人體吸收」的這個說法。記者更發現她樣貌有變，原本方形面起角的她，愈變愈尖細，兼有歪面跡象，而雙眼變得圓大，後生了十年。看完兩位ball後的進化，青春，原來有錢就得。
####
怪下巴
激似巫婆
05年 05年薛芷倫下巴尖而有肉，未見有凹凸位。
V形面
06年
薛芷倫06年時的鼻樑筆直自然，不過高度未到眉心。《蘋果日報》圖片
89年，當時26歲的薛芷倫與馬清偉奉子成婚，之後育有兩子一女，至03年離婚收場。圖片
去年尾，薛芷倫休養期間，素顏現身銅鑼灣， 臉容略為浮腫， 不過迫爆身材依舊。
自言未遇到真命天子的薛芷倫， 生日當晚與大班男士合照， 風騷到暈，之後她更在微博留言要忘記過去。
為薛芷倫慶祝生日的好友當中，包括屢傳不和的葉梁美蘭（左一）與傅明憲（右二）。
穿上透視裙的葉梁美蘭，出席薛芷倫生日party，一對滿碗胸若隱若現。而五官亦有更大變化，有整上癮之嫌。
今年
01年，葉梁美蘭樣子清秀， 腮骨清晰可見，鼻翼較闊， 身材及樣貌跟現時相差甚遠。
01年 《蘋果日報》圖片
855期
