[東周刊.直接睇]張堅庭大仔拍拖撐母

張堅庭和老婆楊諾思嘅大仔張高銘，唔經唔覺都十七歲，準備去美國紐約讀電影，承繼老竇衣缽。

日前楊諾思出席英皇珠寶活動，當日阿仔張高銘除咗同細佬妹一齊睇明星外，原來仲帶埋女朋友到場攞簽名，成班人嚟撐阿媽場。可能係初戀關係，阿仔都好怕羞，將女友收埋於人群之中。仔大仔世界，媽咪楊諾思都好開通，畀阿仔自由發展。

媽咪忙於安排，女友醒目走開。

女友到現場後非常興奮，張高銘亦一臉自豪。

張堅庭大仔張高銘與女友刻意擠於人群中，甚為低調。