由曾志偉率領一眾藝人主演嘅電影《我愛HK之喜上加囍》，近排拍攝已到尾聲。日前志偉、毛舜筠、孟瑤、翟威廉去咗銅鑼灣鬧巿拍外景，結果引嚟成大班自由行趁熱鬧，佢哋仲好唔生性，不斷攞手機影相，搞到阻住拍攝進度，連番NG。
現場所見，眾演員中志偉和孟瑤態度最好，邊拍邊勸喻啲自由行合作，唯獨毛姐忍耐力就麻麻，被人阻住收工，愈拍愈黑面，最後又嬲爆爆坐埋一邊，成晚嘴藐藐，生人勿近。
