胡諾言望增拍劇機會 視麥長青為目標

胡諾言最近忙於跟陳美詩主持資訊節目《開館有益》，雖然胡仔很享受主持工作時間較穩定，可以多跟太太陳琪及女兒見面，但正因有了家庭，胡仔反而渴望事業方面可以更上一層樓，今年他希望可以有更多拍劇機會，更視麥長青為努力目標，將來可以一嚐頒獎禮奪獎滋味。 採訪 : 杜淑霞

化妝：Phoebe Yung?髮型：Patrick @ hh

胡諾言最近在劇集《我的如意狼君》中飾演深情醫生一角，不但令觀眾印象深刻，也令他相當喜愛，因為角色頗有發揮，對於希望在劇集方面有大發展的他來說，絕對是個好機會。

成家責任大

胡仔坦言近年雖然有不少拍劇機會，角色亦愈來愈重，但始終還未足夠，「老實講，我雖然入咗行十幾年，但係真係有機會演戲都係近五、六年嘅事，其間又要兼顧其他工作，所以演技仲係需要多啲磨煉，睇見敖嘉年同埋麥包佢哋攞獎，我都好感動，自己都好想有咁嘅一日呀！」

胡仔期望事業更上一層樓，只因有了家庭後，感到責任更大，「以前事業發展成點，都只係同自己交代，但係結咗婚有咗小朋友後，負擔開支真係大咗好多，都希望事業可以有啲成績，唔想停留喺一個階段，依家係發力去衝刺嘅時候，希望嚟緊監製可以畀多啲機會我。」

入行十多年的胡仔，希望有更多拍劇的機會，令事業更上一層樓。



有了家庭，為人父親的胡仔坦言，責任更大。



胡仔與太太陳琪一家三口幸福滿溢。 資料圖片



胡仔在《我的如意狼君》飾演醫生，令觀眾印象深刻。 資料圖片



2006年，胡仔與杏兒為拍《肥田囍事》，特地穀肥自己，胡仔認為是難得好機會。 資料圖片