陳美詩等孫耀威求婚 代出頭被感動

陳美詩（Macy）跟孫耀威（Eric）拍拖兩年感情穩定，早前Macy在日本拍攝旅遊特輯發生意外，Eric即替女友出頭，令Macy可早日返港接受治療。Macy坦言大為感動，但因Eric還未求婚，為免男方以為她非君不嫁，故未肯認定Eric為結婚對象。

採訪：杜淑霞?服裝：Plotz

陳美詩（Macy）早前跟朱慧敏到日本沖繩拍攝無綫旅遊節目《駕到沖繩》，期間發生交通意外令兩人受傷後，未有返港即時治理，孫耀威（Eric）即替女友出頭在微博大鬧無綫不是，最終令無綫正視問題，即時安排兩人返港，令不少人大讚Eric護花有功。

要有驚喜求婚

Macy為此亦大讚Eric值得加分，但未有當正男方為結緍對象，「佢咁緊張都幾開心，呢件事證明我冇揀錯人，咁當然會加佢分。（係咪會嫁硬佢？）咁又唔會喎！佢都未有表示，佢有表示先算啦！女仔都係鍾意驚喜同埋誠意，都係要吊高嚟賣好啲，費時佢咁坐定粒陸！」

Macy對於Eric指無綫一直不重視她，她則不太認同，反而認為發展不俗，「自從07年入公司以嚟，都有好多機會，除咗拍劇之外，又有機會做主持同演舞台劇，我唔會同人比較，每個人條路唔同，當然可以更好，但係發展都算滿意，希望今年可以試下做律師同醫生嘅角色，因為會好有型！」

Macy雖不是非君不嫁，但亦希望男方開口求婚。



Macy抱著小寶寶，盡顯母愛。