有錢唔賺
憑電影《那些年，我們一起追的女孩》極速封男神和勇奪金馬獎的柯震東，
上週四（8日）終於抽空來港慰粉絲。在三日兩夜的行程，柯震東除為處男大碟宣傳外，
亦順道出席活動掘金，亮相半小時即袋走百萬酬勞，加上翌日（9日）簽唱會獻唱兩首歌，又執走一百萬。襲港 72小時，男神時薪盛惠$27777！
雖然男神一刻值千金，但有錢都未必請得鬱柯震東拍戲，事關讀緊大學二年級的柯震東遭父親下令禁止逃學，故只能在一星期三日的課餘時間接job，變相推戲，連欲邀請佢客串的邵氏賀歲片《2012我愛HK喜上加囍》亦免問。想請男神出山拍戲，等多兩年囉！
今年20歲、就讀體育系三年級的柯震東，去年趁放暑期接拍咗九把刀執導的《那些年》，當時處男片酬只收10萬元台幣（約港幣2萬7千），家柯成為港台新人王，身價即時水漲船高，為請男神亮相，本地商戶不惜出動百萬港紙酬金搶人。
柯爸實
男神有市有價，但奈何做學生時間有限，還有兩年先畢業的柯震東，在今學期就只有星期五到星期日休假，經理人亦只能將所有工作盡量在這三日中。加上學校「文化大學」表明一旦發現柯震東走堂，就會唔客氣將佢踢出校。唔只學校到實，連柯爸爸都要求佢完成學業，先可以全職做明星。換言之，柯震東唔可以休學入娛圈，即使肯趁放假來接戲，暫時亦未有劇組可以配合到，甚至由曾志偉執導的賀歲片《2012我愛HK喜上加囍》的客串邀請，亦以時間無法配合而推掉。
男神周身傷
擁6呎高身形嘅柯震東，自國中起熱衷打籃球，亦同時積落唔少傷患，不時舊患復發。廿歲副偈，已經七勞八損。
冇電影配合
雖然片酬賺唔到，但上週四柯震東來港三日宣傳唱片，只出席一珠寶活動和簽唱會，共執二百萬入袋。在活動中，柯的經理人對本刊透露︰「現在星期一到星期四他都要上課，這次他來香港宣傳唱片，都要跟學校請假（星期四）。雖然中、港、台都有不少導演找他，但沒可能遷就到他的期表。（找他客串呢？） 就算客串一、兩天，都要安排在週末的時間，根本沒有電影可以這樣配合。」而柯震東亦說：「我不會休學，但也會繼續唱歌和拍戲，經理人和我會在時間上作出安排，當然有廣告和通告我也會接。」讀完大學先22歲，大把世界啦！
拖得就拖
唔少台灣男星趁青春入行，書都未讀完，惟有休學拖住學位。但其實一日仲係學生，就可以拖延入伍日期唔使當兵。幾時都話做學生最幸福！ ####
柯震東由上週四上午抵港一直接受訪問，翌日在尖沙咀用晚膳後即由工作人員護送返酒店休息，喜愛夜蒲嘅佢，想見識蘭桂坊都暫時無望。
夾時間
柯震東首張大碟《有話直說》在11月11日（週五）推出，加上全碟在今年8月中以一個星期時間錄音，完全夾啱曬柯的假期。
柯震東在台灣暫時只接咗5場賺錢騷和1個銀行廣告，10月16日（週日）曾擔任手表代言，開工日子同學生做兼職冇分別。
忙返學
現為文化大學體育系三年級學生嘅柯震東（箭嘴），堅持唔會休學，寧願半工半讀捱兩年等畢業，聽從父命。
老豆禁止
柯爸唔只經營服裝店、髮型屋，仲擁有價值千萬港紙的單位，柯震東根本唔愁衣食，搵錢真係課外活動㗎咋！
客串都唔肯
由曾志偉監製嘅邵氏賀歲片《2012我愛HK喜上加囍》有意搵柯客串，志偉上月底擔任金馬獎主持時已私下跟柯洽談過，可惜最後傾唔成事。
在簽唱會上，有男粉絲在台上向柯示愛話：「我原本喜歡女生，但看完電影後，我開始對男生有感覺，好想像你一樣帥。」柯聽後勁尷尬話：「沒遇過男生直接的表白」。
右手紮
今月初，柯震東打籃球時觸發之前曾開刀的右手手腕舊患，需包紮兩星期，到下月再接受物理治療，於是來港多日全程護腕上陣。
背脊痛
當時脊椎舊患復發嘅柯震東在走籃射波之後，不時用手推按痛處，20歲仔似阿伯。
一向熱愛籃球的柯震東，早前接受本刊訪問期間，應本刊要求於球場上露兩手，期間腰傷舊患復發，痛到「嗱」埋口面。
愛夜蒲
雖然周身傷，不時被拍到夜蒲的柯震東，曾被拍到一晚跟三位辣妹夜會，他就解釋：「我也是年輕人，一定會去玩，不過會小心與檢點。」
31歲明道hea住讀明道仍就讀緊崇右技術學院影視傳播系，早前仲被踢爆佢11年內轉咗5次學校，擺明避服兵役。
29歲鄭元暢焗蒲頭鄭元暢同樣係醒吾技術學院學生，為保學位唔被踢出校，家每週最少都要返一日學。
29歲敖犬貼錢讀敖犬在《那些年》同柯震東做同學，但現實中仍讀緊醒吾技術學院嘅佢，為咗保持出席率，在外工作都要飛返台灣上堂。
29歲阮經天潛曬水阮經天之前就讀台灣有「明星學府」之稱嘅醒吾技術學院，據知佢已經無再返學上堂，索性搵私人老師教英文就算。
238期《FACE 週刊》
