不甘寂寞
無綫電視業務總經理陳志雲的涉貪風波雖然平息，與效力18年的無綫關係卻再難修補，上週五（9日），陳總親證請辭獲批准的消息。
一場官司看盡人情冷暖，有傳不願再與上庭指控自己的樂易玲、李寶安共事，但據知主要是陳總最近遭高層勒令避出鏡，凡連私下做義工都要申報，皇牌節目《志雲飯局》變相被判死刑復辟無望。諸多限制冇面畀，陳總辭職「遊學」，據知乃過冷河期，有指已與王維基斟掂數，大把世界。
上週五（9日），如常9時上班的陳志雲抵達電視城，由外事部副總監曾醒明陪同在電視城門外舉行記者會說：「呢個主要係一個學習時間，如果我學習完畢，返到香港仍然好有興趣喺電視圈發展，我相信TVB會係我第一間去遞求職信嘅公司。」
飯局心結
據悉，遊學矽穀與拉斯維加斯，雖然的確在陳志雲未來計劃之中，但所謂遊學時間，純屬為過冷河避嫌。自從被廉署調查後，陳志雲一心打算要「在哪裏跌低便在哪裏起番身」，忍辱留任。今年9月被廉署撤銷控罪，自以為還了清白再展拳腳，但可惜現實有距離。
復辟大計
效力無綫18年，陳志雲打造的皇牌節目不勝枚舉，亦一手令膠着兩年的版稅糾紛成功破冰，不過據知李寶安更下令陳總從此謝絕幕前曝光、所有無綫以外活動，即使不袋酬勞亦要申報，令沉迷幕前主持、熱愛被鏡頭包圍的陳總復辟《志雲飯局》心願幻滅。不過據知陳志雲已跟城市電視老細王維基傾條件，到時陳總再展拳腳，分分鐘好睇過師奶劇。
人人冷感
效力18年的陳志雲確定離巢，TVB中人除咗李克勤同林保怡，竟然個個都話冇影響、冇感覺。大執位時期太敏感，保持距離好嘅。
幕前功臣
換着第二間大機構，總經理往往在辦公室日理萬機做決策，不過志雲又最愛出鏡，曝光連配音發聲機會都唔放過，那些年，佢算幕前功臣。
接任人排住隊
陳志雲明年4月離任後，工作暫時由李寶安接管。不過總經理的寶座，外界已經有不少揣測。 ####
週日（11日），陳志雲帶着愛將崔建邦出席「生命熱線」活動，據悉離職前志雲都不忘扶邦邦一把，保佢重回幕前做《勁歌總選》及《中華小姐》司儀。
志雲雖然否認離職後會過檔王維基的城市電訊，不過遊學過完冷河後的動向則惹來各種揣測。《蘋果日報》圖片
上週五（9日）早上9時半，陳志雲在電視城外回應離職安排，外事部高層曾醒明（右）全程監視錄音。
陳志雲被廉署調查兼起訴前後擾攘半年，最後在電視城的勢力已大不如前。
禁高調陳志雲宣布離職前若無其事坐在新老闆陳國強（左一）及新主席梁乃鵬（左二）旁出席《萬千星輝頒獎典禮》。
禁飯局皇牌節目《志雲飯局》去年3月播出最後一集，訪問前電視人和食家馮美基，陳志雲一直耿耿於懷想捲土重來。《蘋果日報》圖片
禁活動捲入涉貪風波前，陳志雲公開活動、主持節目、幕後發聲樣樣涉足，現時卻被禁止出鏡。《蘋果日報》圖片
李克勤：一收到呢個消息，我就send短訊畀佢，話我返嚟你就話走""唔會特別farewell，我 不嬲有早餐聚會，會keep住呢個習慣。其實同五大破冰都唔係同Stephen一個人傾，好多人都有幫手。
林保怡：佢有佢自己嘅決定，同我好似，我都好想去矽穀。
阮兆祥：佢去進修係好事，做傳媒人要不停update自己。
許紹雄：任何人走都唔會對TVB有太太影響，我個人比較冷血，冇感覺。
梁烈唯：我呢啲做細嘅，係都唔會影響到我，但佢搞farewell我都會去。
馬國明：TVB咁大，出出入入好正常，對我呢啲小演員冇影響。
撈司儀每年無綫盛事邵逸夫獎，陳志雲例牌要做司儀。
有博客陳出事前，陳志雲喺無綫官網有私人blog，瀏覽仲高過姐仔。
搞節目當年受歡迎節目《向世界出發》由陳總一手策劃兼幕前演出。
上舞台《志雲飯局》受歡迎，更搞埋現場版搬上舞台。
曾志偉命中率：55%功績：導演主持、行政樣樣皆精
陳百祥 命中率：87%功績：陳國強密友、應承幫拖
王晶命中率：12%功績：夠膽講、夠膽做
238期《FACE 週刊》
