同你吟一吟
早排俾人影到同女友郭晶晶外遊返北京嘅霍啟剛,七年之癢,應該可以安全度過。上個禮拜五(九日)lunch hour,《壹》仔撞到佢同朋友响置地廣場食日本菜,雖然大啖大啖食,不過霍公子瘦咗唔少,縮咗成個碼,食多少少冇問題。
三得個三,莫非係減定肥做新郎哥!霍公子當日心情鬼咁靚:「辛苦曬呀!要等咁耐,唔使跟住我啦,我都係行返公司做嘢!」問佢聖誕會去邊?霍公子話有太多嘢做,只可以留港過節。係?咁叫埋準霍太晶晶嚟香港囉! ####
12月四個月前,霍啟剛仲係面圓圓,減肥成功後,終於有番個V形下巴。
1136期