真面目

出櫃史　基 app溝仔　慢必遊泳教練同居

2012年09月19日

新鮮出爐立法會議員陳志全（慢必），當選翌日（ 10日）自認同志身份，成為首位出櫃的同志立法會議員，同時躍升為政界新星，舊戀情自然浮上面。

據知情人士爆料，指慢必曾經和陳年 5子歌唱組合 Sky成員同居，對方更加是大隻遊泳教練，可惜兩人最終分開，悶爆慢必不時上專為同志而設的「基 app」溝仔，忙政事都要愛情滋潤嚇。

「人民力量」新星、現年 40歲的陳志全獲得 3萬 8千票當選入立法會，高票過卿姐，同時「出櫃」承認自己同志身份，打正旗號會為基民出力，目標是「同性戀婚姻合法化」，爭取同志可以享有配偶福利，如一起申請公屋、公司醫療津貼等。

放大圖片

陳志全當選今屆立法會議員後翌日謝票，並承認自己是同性戀者，為同志爭取權益是他其中一個目標。《蘋果日報》圖片

放大圖片

慢必玩「基 app」識朋友都夠膽 show樣，毫不掩飾身份，仲文藝腔到引張愛玲《惘然記》自白。但有沒有因而結識到伴侶他就不肯回應。

放大圖片

$\'02 慢必與遊泳教練 Gilbert相識十多年， 02年同居期間一齊參加毅行者，更不介意繑手合照。網上圖片$

’02

慢必與遊泳教練 Gilbert相識十多年， 02年同居期間一齊參加毅行者，更不介意繑手合照。網上圖片

放大圖片

$\'10 「分居」後多年依然有來往，兩人至今仍然是好朋友。$

’10

「分居」後多年依然有來往，兩人至今仍然是好朋友。

放大圖片

Gilbert（黃圈）曾經是組合 Sky成員，成立了兩年便宣告拆夥，冇乜人識。

愛慕包食宿

以前做藝人冇乜人氣，家陣變政壇新星，現正單身的他，舊情史亦包唔住，除了慢必自認有段 16年長跑愛情之外，有知情人士向本刊翻其基史，指他曾經同圈內人拍拖，對方當年是唱歌組合 Sky成員、 6呎型仔潘卓楠（ Gilbert）。

知情者說：「 Gilbert運動好叻，尤其係遊水同劍擊，佢大約 03年入娛樂圈，認識當時喺新城做緊 DJ嘅慢必，慢必對佢嗒曬糖㗎，但 Gilbert本來唔係基……。」知情者續說：「不過慢必冇放過機會，猛勸 Gilbert同佢一齊住，仲話包埋佢食宿，當時 Gilbert隊組合冇乜人識又搵唔到錢，所以搬埋去住囉，同居喺小西灣都有一、兩年㗎。 Gilbert冇做歌星後，𠵱家全職撈番教水囉！」

據知在慢必的同居竇內，無論電腦 wallpaper同床頭，都放了他與 Gilbert的合照，可見兩人關係非一般。不過後來 Gilbert忽然搬離慢必同居竇，跟異性拍拖，慢必則繼續尋覓真愛。

「我哋分房瞓」

本刊更發現慢必去年開始用手機交友 app識男仔，該 app叫 Grindr，專為同志交友而設，慢必以其英文名 Ray登記，附有自己笑住喝飲品的照片，及引用張愛玲的句子「愛就是不問值不值得」來比喻自己的愛情觀。

週一（ 17日）陳志全在電話中承認曾經同 Gilbert同居：「係呀！不過佢都唔係基嘅，我哋分開兩間房瞓！識咗好耐㗎喇，佢係我遊水教練，一齊住到佢組成 Sky囉，佢經理人話驚俾人講閒話嘛，我哋𠵱家仲有聯絡。」他又大方承認有玩「基 app」：「以前裝嘅，交友嘛，裝嚟睇嚇好快就 delete咗喇！」

至於感情就繼續單身，他說：「家冇拍拖，之前有個拍咗一年，喺選舉期間分開咗，點解分手就唔方便講喇。」快人快語又夠坦白，為同性戀者爭取權益有望喇！

自己人心經

放大圖片

梁兆輝（左）主持的港台同志節目《自己人》曾邀請早前出櫃的黃耀明任嘉賓，上星期則有陳志全大談「出櫃」心聲。

陳志全勇敢「出櫃」後，上週六（ 15日）上港台同志節目《自己人》做嘉賓，大講自己同志心態。

放大圖片

我唔覺得（基）係汙點，無需要隱瞞。

相信立法會裏面過去有過（同性戀者），家亦可能有，以前（有）局長級官員係同志。

多謝呢個「基」遇，我覺得係上天畀我嘅禮物。

唔好見我出（櫃）你就出，一定睇自己條件、身邊人（接唔接受），要深思熟慮。

大難臨頭（離商台過新城）時，帶埋男朋友、同快必女友一齊開會，諗點同商台俞琤鬥爭呢！