Janice Man扮情傷？

2012年08月29日

同肥仔男友李冠峰分手後，一直未有著落嘅 JM，早前被人影到陪前度同屋企人飲茶行街，但 JM極力否認翻撻，態度堅決。到咗上星期四七夕節當日， JM忍唔住同全世界唱反調，分別喺微博同 instagram宣洩不快，講明「七夕節快樂！但這個七夕節我不快樂。」、「難過的七夕。」

其實早喺 4月時， JM已經好感觸，忽然喺微博話「你相信能夠用真誠默默等待，打動一個人嗎？還是換來只可能令自己更失望、更心傷。」 JM成鬼日喺網度講到自己冇仔陪冇拖拍咁，其實言行要一致先好，最怕轉個頭又俾人影到同肥仔峰一齊啫！