一直強調自己無「夫妻宮」，唔會考慮結婚的郭富城，最近忽然改口，表示希望在五十歲前結婚生仔；現年四十六歲，距離「有效日期」唔夠四年。據知，與城城拍拖超過五年的熊黛林，收到「阿王禦准」生仔令後，早前曾秘密到聖保祿醫院做婦科檢查，為生仔作好准備，點知發現子宮生了纖維瘤；為免影響佗B大計，城嫂當機立斷，做微創手術將纖維瘤清走。做完手術調理好身體，加上城城剛剛完成十七場演唱會，熊黛林頻頻上「城府」過夜不設防密密做，盡力搶生。
熊黛林在《八星抱喜》首映禮上，表示希望將來可以同城城齊拉頭馬。
人有我有
郭富城與熊黛林拍拖超過五年，是城城史上維持時間最持久的女友，經過長時間考驗同觀察，城城已視熊黛林為對象，近期更一改口風，表示想在五十歲前結婚生仔，更公開講話唔介意先生仔後結婚，「我唔系思想守舊派，最緊要系有冇能力，如果上天賜俾我，到時我會再處理！」願意被熊困，城城是受到身邊好友潛移默化。「其實以前Aaron（郭富城）真系冇諗過要結婚生仔，覺得有老婆有細路會綁手綁腳，冇曬自由去做自己鍾意做慨嘢，但系見到班friend好似Chilam（張智霖）同沈嘉偉咁，全部都有曬自己家庭，個個都同渠講生仔有幾好，又鍾意小朋友多過玩車；有時出席啲聚會，其他人一家大細咁，渠自己就仲系一支公，睇嚇諗嚇，半年前渠開始同阿Lynn商量生仔慨問題。」城城好友說。
影響生育
子宮纖維瘤是由子宮的肌肉層生長出來，在子宮內或圍繞子宮生長，是現今常見的婦科疾病，本港有超過三成女性會患上。根據醫學界統計，導致女性不育原因主要是年齡，其次便是子宮纖維瘤、水瘤等，視為女性不育的「大敵」。子宮纖維瘤可透過剖腹或微創方法切除，除非面積較大或有病變，否則醫生多數建議患者保留子宮和卵巢，以免影響生育能力。根據伊利沙伯醫院婦產科醫生表示：「子宮纖維瘤多數都系良性，好少機會變惡性，如果體積較細慨，一般都唔會影響身體，唔一定要切除，而且可能會隨住女性收經時逐漸縮小，但當然亦有機會會擴大，體積較大或增長速度太快就可能影響生育，醫生會建議切除，如果做過切除手術慨女性，最好要休息半年先懷孕。」醫生更表示，現時醫學界還未確實子宮纖維瘤的成因，患者甚至沒有明顯征狀，有些可能會出現嚴重經痛、過量經血等，所以建議女士每年定期進行檢查。
發現有瘤
得到城城批准生仔，一直渴望做有牌「城嫂」的熊黛林，亦把握機會，為幫城城生仔作准備。去年十月尾，便有人目睹熊黛林由一名女性友人陪住，現身銅鑼灣聖保祿醫院一樓，該樓層是婦產科，據知熊黛林是做婚前婦科檢查，以確保是否適合生BB。「阿Lynn有同朋友講會去醫院做身體檢查，但其實渠除咗做一般檢查之外，仲做埋地中海貧血、乙型肝炎光面抗原抗體、Rh因子測試同梅毒血清測試……呢啲通常系生仔之前先做慨檢查，佢冇講到出口都知渠想生仔！」熊黛林身邊人說。據悉，在檢查過程中，醫生發現熊黛林子宮生了一粒大約8cm大的纖維瘤，由於個瘤未致於好大，醫生表示無需要即時動手術切除，但萬一纖維瘤持續變大，就有機會影響生育。熊黛林只是考慮了一會，便決定做微創手術，將纖維瘤割除，確保不會對幫城城生仔有任何影響。
攻城不設防
手術後經過多月調理，加上城城早前要為十七場紅館個唱保持體力及狀態而謝絕女友上「城府」過夜，小別勝新婚！城城完騷（一月三日）當晚，熊黛林與父母及哥哥捧完尾場，即飛返屋企帶埋男友所送的愛犬Cookie，揸車到城城位於大坑道寓所，靜候城城在酒店同工作人員做埋慶功，再返屋企同她解禁慶祝。當晚熊黛林在「城府」留到第二日傍晚，才返回自己寓所，接專程由南京來港陪她的家人出外食飯。雙方關系已經去到要熊黛 林生仔的地步，今次熊黛林父母同胞兄來港，城城除了安排女友一家睇演唱會，更相約未來外父外母食飯，進一步確定熊黛林地位。「Aaron拍咁多次拖，都未聽過渠會去見家長，睇嚟渠對阿Lynn都好認真，如果唔系點會同渠哋食飯呀！」城城好友說。據知熊黛林已向經理人表明立場，如果有任何合約訂明在合約期內不可懷孕，她一律企硬唔簽，寧願搵少啲都要幫男友生仔，可見城嫂有幾心急。
外母認見女婿
上星期日（一月十五日），熊黛林帶埋媽咪出席《八星抱喜》首映禮，記者問熊媽媽今次來港有否見過未來女婿郭富城，她即時笑曬又點頭，問她想不想女兒盡快結婚生仔，她繼續笑住回答：「他們都是年輕人，女大女世界，由他們自己決定吧！」記者進一步問她有關城城的問題，身邊朋友已拉住她離開。至於熊黛林，亦承認有為結婚打算。「我系有諗過結婚呢個問題，但系未有咁快，（有冇為生仔做定准備？）哈哈……（有人見到妳去醫院做婚前檢查喎？）嚇……你喺邊度聽番嚟，系咪認錯人呀？」對父母來港同城城一齊食過飯，熊黛林即時瞪大雙眼，停頓三秒，「恭喜發財，我唔講喇！」然後由經理人及助手拖住，跑入戲院回避。
轉口風
郭富城與熊黛林拍拖五年幾，由過往鬼祟見面，如今已是半公開狀態，以往堅持無結婚打算的城城，近月態度開始軟化，轉口風稱要在50歲前成家立室，更會生小朋友。
07年2月我冇夫妻宮剛與熊黛林傳緋聞不久，城城經常被追問感情事，他堅決回應：「我前幾年睇風水，風水佬話我冇夫妻宮，冇得打破……人哋拍拖會諗結婚生仔，但我一啲都冇，咁耐以嚟，結婚呢個念頭喺我腦度閃一閃都冇，我亦唔恨生仔！」
09年9月工作就系我老婆被拍得以戰車接載Mango（王秀琳）而激嬲阿Lynn，事後被問到此事，城城頻頻自稱單身，「工作就系我老婆！你哋死心啦！」
10年1月冇諗過結婚有報導指郭富城與熊黛林已在雙方親友見證下訂婚，阿Lynn更收下三卡鑽戒，二人計劃2013年拉埋天窗。城城出席活動時否認訂婚傳聞，「我無諗過，太遠！從來沒有諗過！」
10年9月50歲前結婚城城接受訪問，談到結婚生仔，態度進一步軟化，「我會結婚生仔，成家立室，預計50歲前會結婚，會生兩個BB。」又表示自己會有打算：「大家唔使擔心我，成日催住我結婚，我已經講咗一次，大家唔使再催我！」
12年1月好鍾意細路城城在活動中被追問何時生仔，他即展露笑容：「我知大家好心急，我都好鍾意細路仔。」
循序漸進
同城城拍拖5年多，熊黛林累積到今時今日的城嫂地位，一切猶如打機過關，得來不容易。展開富黛戀06年拍MV撻著後，城城親自開車接送女友斷正，當時 仍未坐穩的Lynn焗撇男友，自行返回宿舍。
攻城33小時08年Lynn 28歲生日，城城破禁批准女友大搖大擺上門攻城33小時，城嫂的地位首次得到肯定。
偷食芒果09年城城偷食芒果（王秀琳Mango）後，29歲Lynn禦准生日前往泰國密會正在當地拍戲的城城，男方更公開承認同Lynn是「好好朋友」。
送車租屋10年城城「科水」讓女友入住大坑過千呎豪宅方便見面，又送上以Lynn的縮寫「NN」自定車牌，兩人更不避嫌一起打邊爐撐台腳。
揸鎖匙11年擁有城城屋企鎖匙，可以自出自入的Lynn，元旦夜連人帶狗摸上男友家，等候城城做完嘢，返歸歡度元旦。####
城城喜事重重，就快榮升馬主，熊黛林又肯為他生仔。
熊母承認今次來港，曾與「未來女婿」見面食飯。
解禁
城城一完騷，城門即時解禁，熊黛林火速帶埋愛犬摸上「城府」，同城城「慶功」。
城城在酒店同工作人員慶功後，火速返屋企搵女友再「慶」埋下半場。
冚家捧場熊黛林睇了城城三場演唱會，在尾場當晚她更帶埋老豆老母去睇騷。
熊黛林全家人由南京來港，她除了晚晚要「攻城」搏生仔外，其餘時間就陪屋企人出街。
去年十月熊黛林被目擊曾到聖保祿醫院做婦科檢查。
冬蟲草補身做過手術又想生BB，日前熊黛林被發現同阿哥去買冬蟲草補身。（圖片）
城城身邊好友Chilam同沈嘉偉都有小朋友，搞到城城心鬱鬱都想生番個。
目前熊黛林仍經常性感示人，但相信她與城城結婚生仔後，再冇乜機會見她咁少布。
城城公開表示喜歡小朋友，之前出席商場活動，見到有四位小朋友，城城即刻捉住他們一齊玩。
上星期，熊黛林到銅鑼灣宣傳新戲，被電影公司安排一名癡漢在台上爆樽，並大嗌要攬阿Lynn，嚇到熊黛林花容失色。
黑面
尷尬
笑曬
