倒奶試嫁衣揀BB床 姚樂怡疑似奉子成婚
將踏入龍年，娛樂圈又再多一樁喜事！近年轉戰公關界的姚樂怡定於今年4月，與拍拖8年的圈外男友Alan拉埋天窗，在剛過去的周日二人到貝沙灣一間婚紗店試晚裝，之後再去揀BB用品，被問到是否奉子成婚？姚樂怡笑言：「我都想呀！」
眼見好姊妹梁靖琪、周家蔚輪住嫁，姚樂怡都不執輸，去年9月，姚樂怡出埠拍攝無綫節目《獎門人》，男友靜悄悄飛抵日本，並在當地一間浪漫餐廳向她跪地求婚，姚樂怡一口答應。
姚樂怡在婚紗店內不停穿插，先後試穿多套性感晚裝。
試完婚紗後姚樂怡和Alan轉看BB床，令人揣測她已懷孕。
姚樂怡試穿火紅低胸晚裝，34D豐滿身材表露無遺。
圍村新抱努力造人
據悉Alan雖然在荷蘭土生土長，但屋企是圍村人，姚樂怡亦有為男家傳宗接代的壓力，故決定結婚後，二人不設防造人，並定於今年4月在香港擺喜酒，屆時湯盈盈、張文慈、文頌嫻，還有忙於拍劇的佘詩曼亦會抽空做姊妹。
周日下午5時許，記者發現素顏的姚樂怡拖住未婚夫Alan走入貝沙灣的芝柏婚紗店，甫入店內即有數名職員上前招呼。原本衣着密實的姚樂怡，揀了幾條心水靚晚裝隨即走到更衣室，最先換上一條火紅色tube dress，摀身取物時大倒D奶，讓封存已久的34D巨咪有機會再度出擊，惹火身材不遜於80後模。可能靚裙太多，令姚樂怡心大心細，她一邊試晚裝裙，另一隻手拿着婚紗裙嚷着要試，還不時要Alan畀意見。
約兩小時後，姚樂怡和未婚夫終於試完禮服，經過附近一間童裝店，二人即合拍地行入店內，睇完BB床又睇BB衫，令人聯想二人已成功造人，買定嬰兒用品給龍B。
姚樂怡跟未婚夫Alan（右）試衫時全程有講有笑。
坦承挑選嬰兒用品
姚樂怡昨日接受電話中承認4月出嫁，但否認有BB，她笑說：「我都想呀！咁啱有兩個朋友生咗BB，我想入去買啲嬰兒用品啫。」不過，姚樂怡身形明顯圓潤不少，她解釋：「係要減肥，因為之前工作太忙，一直冇時間搞婚禮嘅嘢，家要趕緊喺新年期間影婚紗相，所以要進行地獄式減肥。」
採訪：譚倩宜
攝影：陳志嵐
上一則:黃夏蕙喜聞D&G道歉
