媽咪姐手帳
聖誕節最好係一家人出外旅遊，不過政府宣傳片都有教，出外旅遊記緊鎖好門窗，慎防盜賊。吳雨霏（Kary）今次真係要汲取教訓。
話說聖誕節當日，Kary同父母、阿妹去東京旅遊，細佬留守香港。點知賊人就趁細佬返教會呢段時間，潛入屋中偷嘢。Kary喺微博氣憤咁話：「賊人偷了我們所有電腦！」媽咪姐一見電腦被偷，好自然就諗有冇艷照喺裏面。你知啦，Kary位前度男友Kevin Poon就係陳冠希嘅好兄弟。兩位合資開時裝店，興趣又相近，隨時連怪癖都似埋！媽咪姐愈諗愈驚，希望唔好再有一場艷照風波啦！ ####
我唔見電腦，好慘！（設計對白）
Kary前男友Kevin Poon如果我哋啲珍藏曝光，咪仲慘！（設計對白）
Kary一家人去到東京，難得餐廳有Wi-Fi免費上網，個個就拎住電話唔放。原本Kary諗住放旅行相上微博分享，點知屋企被爆格，唔見曬啲電腦，咩心機都冇曬。
Kary微博留言鬧爆個賊，雖然無人受傷，但Kary依然擔心細佬安全，更叫大家喺假期小心啲，真係有心。
857期
