媽咪姐手帳
近年轉戰內地發展嘅Beyond鼓佬葉世榮，喺12月24日平安夜當日，佢經理人向傳媒公告世榮將於27日喺北京結婚，準葉太係26歲吉林省model張偉鈴。
消息一出，大家都有啲愕然，一向直腸直肚嘅家強詐型話：「結婚都唔單聲！好怪！」其實呢排家強自己都忙啦，事關佢出年年頭又做老竇。06年同日籍女友Makiko閃婚後迅即造人成功生咗B仔嘅家強，大仔今年已經五歲。近日佢兩夫婦又造人成功，太太依家懷胎約五個月，預產期係明年三月，娛樂圈又多一個龍B。日前媽咪姐就發現家強陪籮咁大個肚嘅太太去尖沙嘴海運掃BB用品。雖然做第二任老竇，但媽咪姐發現家強夫婦仍然好興奮揀BB車同牀，輕輕鬆鬆就使咗萬幾兩萬。 ####
就快做第二任老竇嘅家強，陪老婆一齊揀BB用品，仲好有耐性。
諗住俾個suprise你哋嘛！（設計對白）
試車$5,000買BB牀緊張，估唔到買BB車更誇張，Makiko唔顧粗身大細，推住架BB車行嚟行去，又要試好唔好推，又要睇穩唔穩陣。始終都係女人細心好多。
揀牀$6,150Makiko睇BB牀時眉頭都皺埋，睇嚟對BB牀要求好高。啱嘅，實用其次，最緊要安全度高。
857期
