FBI File
FBI算玩得，不過見到上週三（7日）亞視個港男活動，都忍唔住鬧爆。
做表演嘉賓咪做表演嘉賓囉，做乜係都要安排JC同班港男見面，叫佢一個女仔人家坐正喺個台中間，俾16個男仔輪住攬輪住摸先？美其名話係畀班港男向Jessica C.行見面禮獻殷勤，但個個都對JC鬼咁肉緊，差啲仲以為佢哋學陳浩民咁對待陳嘉桓。JC把口雖然話班港男好有風度，唔覺被抽水，FBI都係睇唔過眼。唔通因為盜竊風波令JC驚飯碗不保，所以乜都肯制？ ####
涉偷竊事件後Jessica C.低調咗，不過身材就似乎「進步」咗，當日一𠌥低身，「警鐘胸」就想跌出嚟咁滯。
身材好咗，但皮膚都仲係咁差，加上眼袋勁大，真係嚇FBI一跳。
施胸襲4號李凱納話係吸血殭屍從後箍頸，FBI覺得似胸襲多啲。
出狼爪韓仔2號尹雅嵐就從後抓實JC條頸，乜韓國女仔受呢套咩？
索頭髮11號老外參賽者狂索JC秀髮索到反白眼，極之失儀。
238期《FACE 週刊》
